Os criterios de admisión para priorizar as solicitudes de inscrición no programa son os seguintes:
a) Titulación de máster ou DEA: Poderase acceder aos estudos con calquera titulación que legalmente o permita. Con todo, e debido a que se trata dun programa interdisciplinar no que converxen as diferentes tecnoloxías utilizadas no ámbito aeroespacial (Competencia Específica 1), non existe un perfil de ingreso recomendado, senón que se considerarán prioritarias as solicitudes de alumnos que cursasen algunha das titulacións seguintes:
- Máster con atribución profesional de Enxeñeiro de Telecomunicación ou Enxeñeiro Industrial
- Máster en Enxeñaría Informática
- Máster en Radiocomunicación e Enxeñería Electromagnética (UVigo)
- Máster en Sistemas Software Intelixentes e Adaptables (UVigo)
- Máster en Investigación en Tecnoloxías e Procesos Avanzados na Industria (UVigo)
- Máster en Enxeñaría Térmica (UVigo)
- DEA en Enxeñaría Electromagnética (UVigo, USC, UEx, Ou Oviedo)
- DEA en Análise de Sistemas Mecánicos, Enerxéticos e de Fluídos (UVigo)
- DEA en Tecnoloxía Eléctrica e Enxeñaría Electrónica (UVigo)
- DEA en Tecnoloxías Avanzadas para o Desenvolvemento de Software Intelixente (UVigo)
- Máster en dirección TIC (UEx)
- Master universitario de investigación en enxeñaría e arquitectura. Especialidade Tecnoloxías Informáticas e de Comunicacións (UEx)
- Máster universitario en computación GRID e Paralelismo (UEx)
Baremo: Titulacións prioritarias: 2 puntos; titulacións afíns: 1 punto; non afíns: 0 puntos
b) Titulación de Grao, Enxeñaría ou Licenciatura: consideraranse prioritarias as solicitudes que mostren algunha das titulacións seguintes:
- Enxeñaría de Telecomunicación
- Enxeñaría Técnica de Telecomunicación
- Enxeñaría Industrial
- Enxeñaría Técnica Industrial
- Enxeñaría Informática
- Enxeñaría Técnica Informática
- Licenciatura ou Grao en Física
- Graos no ámbito das enxeñarías de telecomunicación, industrial ou informática
Baremo: Titulacións prioritarias: 2 puntos; titulacións afíns: 1 punto; non afíns: 0 puntosv
c) Nota media do Expediente Académico previo ao máster ou DEA.
Baremo: Segundo a nota media ata 3 puntos
d) Nota media do máster ou DEA previo
Baremo: Segundo a nota media ata 1 puntos
e) Curriculum vitae
Baremo: Ata 2 puntos
f) Carta de motivación que se esixe ás persoas candidatas mostrando o seu interese por cursar o programa de doutoramento, e a temática específica razoada na que lle gustaría investigar en caso de ser admitido.
Baremo: Ata 1 punto
g) Valorarase a presentación de cartas de aval de profesionais acreditados nos campos relacionados co programa de doutoramento.
Baremo: Ata 1 punto
h) Poderá solicitarse entrevista persoal a todas as persoas candidatas, en caso de consideralo necesario a Comisión Académica.
Baremo: Ata 3 puntos
Estudantes con necesidades educativas específicas
No caso dos estudantes con necesidades educativas específicas, estes contarán no proceso de admisión cun asesor académico nomeado pola Comisión Académica. A Comisión Académica do Programa de Doutoramento analizará de forma particular os casos dos alumnos con necesidades educativas especiais derivadas de discapacidade e nomeará un titor do alumno para axudarlle a garantir a adquisición das competencias propias do nivel de doutoramento.
Se é necesario a Comisión Académica recibirá un informe do titor e adaptará os servizos de apoio e asesoramento necesarios que avaliarán a necesidade de posibles adaptacións curriculares, itinerarios ou estudos alternativos.