Inés García-Tuñón Blanca

Breve CV

Completa os seus estudos de Enxeñería Superior en Telecomunicacións en febreiro de 1999. Durante case dous anos traballa en Telefónica I+D. En outubro de 2000 regresa á Universidade de Vigo integrándose no grupo de investigación COM do Departamento de Teoría do Sinal e Comunicacións (TSC). En outubro de 2002 obtén o Diploma de Estudos Avanzados (DEA) no subprograma Sistemas Avanzados de Telecomunicación. En 2006 defende a súa Tese Doutoral. A súa actividade investigadora desenvólvese en dúas liñas: métodos eficientes para a simulación de problemas electromagnéticos e medida da sección equivalente radar (RCS). A primeira delas, na que se enmarca a súa Tese de Doutoramento, está centrada no campo do electromagnetismo computacional, desenvolvendo métodos e técnicas rigorosas e eficientes para a análise e deseño de todo tipo de estruturas. A segunda liña de investigación enmárcase no ámbito do radar e as súas aplicacións, concretamente na predición, redución e medida da sección radar (RCS) e obtención de imaxes radar (ISAR). Principais logros: participación en máis de 60 proxectos e contratos de I+D (19 como Investigadora Principal), autora de varios artigos publicados en revistas JCR e contribucións a congresos, 2 sexenios de investigación, 1 Tese de doutoramento dirixida e 1 en dirección, numerosos PFC dirixidos.